Oranĝo!
Bela frukto mild-aroma
Kun miele dolĉa gust',
Suka frat' de paro poma
Sur la amatina brust',
Vi vin kaŝas time ĉaste
Sub ĉemiz' el silkpaper';
Senvestiĝu senprokraste
Kaj pretiĝu al ofer'!
Ĉar laŭ vortoj de la fablo
(*),
Silkĉemizoj (eĉ paperaj)
Por la lito aŭ la tablo
Estas ĉiam efemeraj ...
(*) Eble iu el la afablaj klientoj konas la aluditan fablon. La aŭtoro tre dankeme ricevus tiurilatajn sciigojn, ĉar ankaŭ li tre dezirus koni tiun ĉi fablon.